randi Utsaahinchi Paadudamu | Christian Songs in Telugu

randi Utsaahinchi Paadudamu

రండి ఉత్సాహించి పాడుదము
రక్షణ దుర్గము మన ప్రభువే
రండి కృతజ్ఞత స్తోత్రముతో
రారాజు సన్నిధికేగుదము
సత్ప్రభు నామము కీర్తనలన్
సంతోష గానము చేయుదము
మన ప్రభువే మహా దేవుండు
ఘన మహాత్యము గల రాజు
భూమ్యాగాధపు లోయలును
భూధర శిఖరములాయనవే
సముద్రము సృష్టించెనాయనదే
సత్యుని హస్తమే భువిజేసెన్
ఆయన దైవము పాలితుల
ఆయన మేపెడి గొర్రెలము
ఆ ప్రభు సన్నిధి మోకరించి
ఆయన ముందర మ్రొక్కుదము
ఆయన మాటలు గైకొనిన
అయ్యవి మనకెంతో మేలగును
తండ్రి కుమార శుద్దాత్మకును
తగు స్తుతి మహిమలు కల్గు గాక
ఆదిని ఇప్పుడు ఎల్లప్పుడూ
అయినట్లు యుగములనౌను ఆమెన్


Related Posts